Climántica, proyecto de educación ambiental

Pode verse un curto en Climántica TV que contén as declaracións deste científico nas que expresa o seu pensamento sobre a relación do cambio climático e a vida humana no cosmos na rolda de prensa que concedeu en Santiago o 24-9-2008.

1. Que sexan docentes que impartan a materia CCMC no curso 2008-2009.
2. Que sexan docentes dos departamentos didácticos de Bioloxía e Xeoloxía e Física e Química e que no curso 2008-2009 non impartan a materia CCMC.
3. Que sexan titulados en CC. Biolóxicas, CC. Xeolóxicas, CC. Químicas e CC. Físicas ou asimilables a efectos de docencia.

O curso é totalmente gratuito, tanto na xestión como na docencia e nos materiais e recursos consumidos no seu desenvolvento, pero a retirada do título, como ocorre con todo tipo de títulos das universidades,  está supeditado ás tasas universitarias, neste caso as establecidas para títulos de posgrao de formación continua.

Atendendo á demanda de envío de libros de Climaeucambio para aplicar neste curso en Proxecto interdisciplinar, na liña do desenvolto en máis de 150 centros de Galicia o curso pasado reedítase o libro do estudante, para garantir que cada estudante poida dispoñer dun exemplar gratuíto, e tamén a guía didáctica solucionario.

Tamén se admiten novas solicitudes de apertura de blogues e de incorporación á iniciativa Climántica – Meteo para recibir o material de meteoroloxía escolar e a dotación da aplicación web que pon a disposición dos centros MeteoGalicia.

De cara a atender as posibles demandas de actualización didáctica do profesorado para o desenvolvemento desta proposta, reedítase o curso de posgrao. Este curso celebrarase na facultade de Físicas da USC os mércores 5, 12, 19 e 28 de novembro e o 3 de decembro. O horario será de tarde, de 18 a 21 horas.

O prazo de inscrición abrirase nesta web na primeira quincena de outubro.

Pode solicitarse máis información a través do enderezo de contacto desta web climantica@climantica.org.

Xa está dispoñible no apartado de Climántica tv o documental que recolle as primeiras experiencias piloto do proxecto Climántica no sistema educativo de Cuba. Os días 26, 27 e 28 de maio de 2008, Climántica iniciou as súas actividades piloto no sistema educativo de Cuba. A cátedra de Educación enerxética no Instituto Pedagóxico da Universidade de A Habana interesouse polo proxecto Climántica para incorporar a didáctica do cambio climático na experimentación da reforma do currículo da asignatura de Educación enerxética do ensino secundario, que está a desenvolver no seu núcleo de experimentación “Ciudad Escolar Libertad”. Dentro destas actividades destacaron as dinámicas de grupos con escolares de 14-16 anos para explorar ideas previas, consistentes en dous tipos de dinámicas:

• Dinámica en pequenos grupos. Esta dinámica tivo dúas partes ben diferenciadas. Nunha primeira parte os estudantes organizáronse en pequenos grupos de traballo para estudar unha ficha con ilustración relativa ao problema. O grupo de traballo titulou a ficha e argumentou en relación ao que lles comunicaba sobre causas e/ou consecuencias do cambio climático. Nunha segunda parte púxose en común o traballo de todos os grupos.

• Dinámica de grupo clase para elaborar un esquema con fichas colocadas a modo de dominó. Este esquema sintetizou a argumentación colectiva sobre o problema do cambio climático e a súa relación coas causas que o producen e os efectos que desencadean.

As actividades de Climántica nesta primeira aproximación a Cuba, remataron o 28 de maio con unha conferencia de presentación do proxecto no II Congreso do Grupo de Educación Enerxética (GEA).

Actualización: Xa se pode ver o documental da estancia no campamento formativo en Climántica TV.

Case 300 estudantes de centros educativos de Galicia reuníronse o día 21 de xuño en Santiago para analizar, entre outros temas, as medidas fronte ao cambio climático, o desenvolvemento sostible e o respecto ao medio ambiente, no I Congreso de Estudantes de Climántica, organizado pola Consellería de Medio Ambiente.
Os alumnos de ensino secundario obrigatorio (ESO), bacharelatos e ciclos formativos de centros educativos das catro provincias galegas participaron nesta actividade coa exposición dos traballos que presentaron no seu día á segunda edición dos premios Climántica, convocados no marco do proxecto educativo co mesmo nome que puxo en marcha a Consellería de Medio Ambiente e Desenvolvemento Sostible co obxectivo de sensibilizar e concienciar aos rapaces sobre o cambio climático e cómo atallalo.
Nesta xornada que se desenvolveu no Pazo de Congresos e Exposicións de Santiago, os estudantes expuxeron os seus traballos presentados ao concurso nas súas tres modalidades: literatura –narrativa, poesía e cómic-, multimedia – curtametraxes, power point, entrevistas, teatro e cancións-, e artes plásticas –fotografía, debuxo e posters-. A exposición conxunta dos traballos serviu así mesmo para dar a coñecer ao público a visión que os máis xóvenes teñen sobre o cambio climático e as súas proposta para coidar o medio ambiente e fomentar o desenvolvemento sostible.
O Congreso de Climántica serviu ademais para que os estudantes de diferentes lugares de Galicia tivesen oportunidade de coñecer o punto de vista de outros alumnos, na exposición conxunta dos traballos presentados e nos que se atopaban traballos con moita calidade con títulos tan significativos como “o cambio climático e as súas consecuencias”, “cambiar nós para que non cambie o clima”, “se non o coidas es tonto”, “¿por qué ao home lle custa manter a terra”, “un día na vida dunha árbore”, entre outros. Todos estes traballos quedaron publicados na revista CLMTK que se lles entregou aos asistentes e en breve estará publicados nesta web.
A xornada estivo pensada tamén para os pais e docentes que acompañan aos estudantes, con actividades que inclúen mesas redondas sobre “alimentación e ambiente” na que se abordarán cuestións como a agricultura ecolóxica e a alimentación, a medicina ecolóxica ou o deporte.