CLIMANTICA ORIENTACION
Climántica presentou a súa iniciativa de Climántica Orientación no Forum Orienta 08 e que se está a desenvolver no IFEVI de Vigo do 8 ao 13 de abril. Dentro desta iniciativa participa un grupo de 4 orientadores do equipo Climántica que previamente foron formados por expertos en I+D e formación profesional para orientar aos estudantes sobre os escenarios de investigación e profesionalización que se abren nos eidos da mitigación e adaptación para facer fronte ao cambio climático. Co contido desta formación elaborouse unha documentación en forma de políptico que recolle as principais liñas de orientación profesional e vocacional das que se responsabiliza este grupo de orientadores. Tamén se desenvolven varias sesións da dinámica de grupos “Se ti cambias o clima tamén” e do obradoiro “Construíndo un forno solar".
Actualización: Xa se pode ver tamén en Climántica TV.
