Este
cartel contén o programa do Taller Climántica de Respostas Educativas ao Cambio
Climático incluído na programación do CEFIRE de Alacante.
Trátase
dunha acción formativa que se desenvolverá en colaboración co Grupo de
Investigación Clima e Ordenación do Territorio da Universidade de Alacante que
dirixe o Catedrático Jorge Olcina, sendo o anfitrión promotor o IES Virxe do
Remedio.
Como
actividade cultural do taller, e con motivo da celebración do 40º aniversario
do IES Virxe do Remedio, inclúese no programa o Musical A Volta ao Clima en 10 Escenas, creado no campus internacional de Aveiro 2019, e
adaptado a Alacante polos alumnos do Bacharelato de Artes Escénicas deste
centro de secundaria.
A
súa representación será o luns 24 de febreiro no Paraninfo da Universidade de
Alacante, baixo o patrocinio da UNESCO, en horarios de mañá (12 h) e noite
(20 h).
Desde
os hipervínculos desta recensión publicada no portal do Ministerio de Transición Ecolóxica (MITECO), poden analizarse diversas
dimensións do proxecto Climántica (www.climantica.org). Desde este link tamén se
pode descargar o programa do taller.
