Con motivo da publicación do 3º libro de Climántica (Auga e cambio climático), convócanse as súas xornadas (III Xornadas Climántica "Auga e cambio climático") que se celebrarán no IES Universidade Laboral de Culleredo o venres 6 de maio de 17 a 21:30 e o sábado 7 de maio de 9 a 14:30.
Programa
Guión e recensión do libro
| VENRES 6 DE MAIO | |
|---|---|
| 16:30 a 17:00 | Recepción e entrega de documentación |
| 17:00 a 17:45 | Presentación da unidade 3 de Climántica “Auga e cambio climático”. Francisco Sóñora Luna. Coautor do terceiro libro didáctico de Climántica e director do proxecto. |
| 17:45 a 19:00 | Conferencia – coloquio “Da liña de neve á sociedade do cambio climático: unha visión xeolóxica da hidrosfera dende a súa orixe ata a actualidade”. Francisco Anguita Virella. Coautor do terceiro libro de Climántica “Auga e cambio climático” |
| 19:00 a 19:15 | Pausa |
| 19:15 a 20:30 | Conferencia - coloquio “Impactos e riscos nas augas continentais contemporáneas”. Francisco Díaz-Fierros. Catedrático de Edafoloxía. Universidade de Santiago de Compostela |
| 20:30 a 21:30 | Comunicación-coloquio “Iniciativas lúdicas para a comunicación sobre a auga”. Antón Concheiro. Xerente de Pista Catro. |
| SÁBADO 7 DE MAIO | |
|---|---|
| 9:00 a 10:15 | Conferencia - coloquio “Impactos antropoxénicos sobre os océanos costeiros” Antonio Bode. Investigador do IEO no Centro Oceanográfico da Coruña |
| 10:15 a 11:30 | Conferencia-coloquio Riscos nas augas oceánicas. Urbano Fra. Profesor titular do departamento de Enxeñería Agroforestal. Universidade de Santiago de Compostela |
| 11:30 a 11:45 | Pausa |
| 11:45 a 13:00 | Conferencia - coloquio “Depuración de augas na sociedade do cambio climático: o potencial das macrofitas”. Representante do proxecto Macrofitas |
| 13:00 a 14:30 | Mesa redonda “Actividades prácticas no laboratorio e no entorno relativas a auga e ao cambio climático”
|
Os profesores con correo corporativo edu.xunta.es xa teñen aberto o prazo de inscrición no Sistema de Xestión de Formación do Profesorado, FProfe, da páxina web da Consellería de Educación, dentro da Área: Temas transversais e Centro de formación e recursos: Servizos centrais con código X1002025. Data de remate do prazo: 1 de maio de 2011.
Os demais docentes e educadores poden inscribirse a través da páxina web das xornadas http://xornadas.auga.climantica.org, onde se atopa toda a información sobre as xornadas.
As cinco conferencias e a mesa redonda recollen contidos do libro didáctico nº 3 do proxecto “Auga e cambio climático”, que se entregará aos asistentes xunto coa súa guía didáctica - solucionario, e que se estrutura de acordo ao seguinte guión:
1. Unha substancia universal
- A auga no Universo
- Os antigos océanos de Venus e Marte como probas de outros cambios climáticas globais
- Mais alá da liña de neve
2. A auga en movemento
- Un movemento cíclico
- Balance hídrico dun territorio
- A circulación da auga, chave do clima do noso planeta: das selvas aos desertos
3. Historia, presente e futuro da auga na Terra
- Os primeiros mares da Terra
- Mares que xa non existen
- Épocas glaciais e épocas de invernadoiro: o papel da auga
- Un pouco de Oceanografía: cómo o cambio climático influíu nos océanos, e cómo estes influíron no clima
4. A auga, fonte de vida desde os océanos á terra firme
- A aparición da vida nos mares
- Ganancia dunha relativa independencia da vida da auga
- Por que a vida non chega a ter unha independencia plena da auga?
5. Auga e civilización
- A auga na historia recente da Terra
- A auga e as civilizacións antigas
- O caso dos indios anasazi
- O caso da civilización maya
- O caso da Illa de Pascua
- Resumo: as sociedades e o medio ambiente
6. Cambio climático nunha sociedade sedenta
- A auga na sociedade actual
- Os cambios previsibles na hidrosfera como consecuencia del cambio climático global
- Consecuencias del cambio climático global.
- Guerras pola auga?
7. A auga como recurso crítico na sociedade do cambio climático global
- Tensión hídrica e escaseza de auga na sociedade do cambio climático
- Crise na calidade da auga no uso doméstico, urbano e industrial
- Impactos e riscos da agricultura sobre a calidade da auga
- Consecuencias sobre a saúde da escaseza e da baixa calidade da auga na sociedade do cambio climático
- Impactos e riscos sobre os ecosistemas oceánicos
8. Conservación e xestión sostible da auga na sociedade do cambio climático
- Cuantificar para solucionar: as tres cores da auga - azul, verde e gris - na auga virtual e a pegada hídrica.
- A agricultura sostible
- A depuración da auga
- Recuperación de augas servidas urbanas
- Boas prácticas para a conservación municipal e industrial das augas
- Novas políticas para a recuperación dos custos ambientais dos usos da auga nos ámbitos da demografía, dos dereitos humanos e da mitigación e adaptación ao cambio climático.
