Climántica : Weblog

CAMBIA O CLIMA?

SE QUEIMAMOS QUENTAMOS

AUGA E CAMBIO CLIMÁTICO

O LIXO TAMÉN QUENTA

COMO AFECTAN OS CAMBIOS NO CLIMA ÁS ESPECIES E AOS ECOSISTEMAS?

O CLIMA NA PAISAXE, NA ORDENACIÓN DO TERRITORIO E NO TURISMO

MEDIO RURAL E CLIMA

MEDIO URBANO E CLIMA

Comic

Publicado o 23 04 2007 as 14:57 || Categoría Actividades

Unha Galicia co medio ambiente tan organizado no século XXII, ¿estaría afectada polo cambio climático se os demáis países non tiveron a mesma preocupación ao longo do século XXI?

comic

Unidade didáctica multimedia: A temperatura do Planeta Vivo.

Publicado o 27 03 2007 as 15:09 || Categoría Actividades

Xa está dispoñible na sección Didáctica, a primeira unidade multimedia A temperatura do Planeta Vivo, correspondente a primeira unidade Cambia o Clima?.

Concentración de CO2 na atmosfera.

Publicado o 22 03 2007 as 11:32 || Categoría Actividades

“Cada ano a concentración de CO2 na atmosfera aumenta cerca de 2 ppm e non sabemos con certeza onde se atopa a cifra fatídica, a partires da cal os esforzos chegan demasiado tarde (¿400, 450, 500 ppm?). O que parece evidente e canto máis tardemos en reaccionar máis difícil e custoso será evitar que o clima cambie de forma perigosa”

Francisco Heras
Coordinador da Área de Educación do Centro Nacional de Educación Ambiental
9 de marzo de 2007 Primeiro Curso Climántica

Dificultades na sensibilización fronte ao cambio climático

Publicado o 19 03 2007 as 11:31 || Categoría Formación Profesorado

Conferencia-coloquio por Don Francisco Heras, Coordinador da Área de Educación do Centro Nacional de Educación Ambiental, no primeiro curso Climántica.

Pode consultar o contido desta presentación nesta ligazón.

Primeiro curso Climántica: Un éxito de participación.

Publicado o 15 03 2007 as 11:38 || Categoría Formación Profesorado

72 profesores ampliaron coñecementos sobre cambio climático:

presentación

A tarde do venres 9 de marzo estivo dedicada a aspectos educativos relacionados co cambio climático. Abriu o curso Francisco Sóñora Luna, director do proxecto, quen informou aos asistentes sobre os diferentes aspectos do proxecto Climántica. Os aspectos relativos á sensibilización e participación para facer fronte ao cambio climático abordounos Francisco Heras, responsable de Educación do Centro Nacional de Educación Ambiental do Ministerio de Medio Ambiente. As posibilidades da prensa como recurso expúxoas Mª Pilar Jiménez Aleixandre, catedrática de Didáctica das Ciencias da USC.

Na mañá do sábado 10 de marzo abordáronse os aspectos científicos que ampliaron os conceptos básicos que forman parte da primeira unidade didáctica do proxecto. Os conceptos relativos aos ecosistemas terrestres presentounos Francisco Díaz - Fierros Viqueira, catedrático de Edafoloxía e Química agrícola da USC e asesor científico do proxecto. Os conceptos relativos ao medio mariño tratounos Xosé Antonio Álvarez Salgado, investigador científicos do Centro Superior de Investigacións Científicas no Instituto de Investigacións Mariñas de Vigo. Antes da comida do curso, o Director Xeral de Desenvolvemento Sostible, Emilio Fernández Suárez, situou o proxecto Climántica dentro do Plan da Consellería de Medio Ambiente e Desenvolvemento Sostible para facer fronte ao cambio climático.

A sesión da tarde do sábado dedicouse a presentar un exemplo de unidade multimedia e a valorar aspectos didácticos relacionados coa primeira unidade

Máis fotos do curso.

Confirmación de data e lugar do 1º curso Climántica.

Publicado o 06 03 2007 as 12:04 || Categoría Formación Profesorado

O primeiro curso Climántica de formación do profesorado celebrarase no hotel NH OBRADOIRO, en Santiago de Compostela, sito na Avenida Burgo das Nacions s/n, 15705 - Santiado de Compostela, fronte ao Auditorio de Galicia, nas datas e horas expostas en Didáctica.

Primeiro curso Climántica