O proxecto Climántica foi convidado a desenvolver unha comunicación e un obradoiro nas XIX Xornadas da Asociación portuguesa de Educación Ambiental, que se celebraron en Cámara de Lobos (Madeira) o 8, 9, 10 e 11 de marzo de 2012.
Na comunicación fíxose unha exposición cronolóxica dos produtos que se foron elaborando ao longo dos cinco anos de existencia de Climántica, destacando o tratamento transversal dos seus contidos, as motivacións da súa produción e as diferentes aplicacións educativas nas aulas.
O obradoiro desenvolveuse a longo de dúas horas con un grupo de estudantes de 11º ano (16-17 anos). Iniciouse coa presentación de oito escenas da novela A treboada de C, seleccionadas pola relación coas problemáticas ambientais máis recentes nesa rexión: os incendios e a inundacións do ano 2010. Ese contexto recente na memoria dos estudantes, e o estímulo do pensamento diverxente que supuxo a dinámica, posibilitou que xurdiran diversos argumentos que deron lugar a un coloquio.
O obradoiro complementouse con unha acción de reforestación para recuperar a vexetación que existía antes de agosto de 2010 na zona que foi afectada polos incendios. Esta actividade aportou a Climántica novos referentes prácticos para o seu obradoiro Reforestar para compensar.
Na comunicación fíxose unha exposición cronolóxica dos produtos que se foron elaborando ao longo dos cinco anos de existencia de Climántica, destacando o tratamento transversal dos seus contidos, as motivacións da súa produción e as diferentes aplicacións educativas nas aulas.
O obradoiro desenvolveuse a longo de dúas horas con un grupo de estudantes de 11º ano (16-17 anos). Iniciouse coa presentación de oito escenas da novela A treboada de C, seleccionadas pola relación coas problemáticas ambientais máis recentes nesa rexión: os incendios e a inundacións do ano 2010. Ese contexto recente na memoria dos estudantes, e o estímulo do pensamento diverxente que supuxo a dinámica, posibilitou que xurdiran diversos argumentos que deron lugar a un coloquio.
O obradoiro complementouse con unha acción de reforestación para recuperar a vexetación que existía antes de agosto de 2010 na zona que foi afectada polos incendios. Esta actividade aportou a Climántica novos referentes prácticos para o seu obradoiro Reforestar para compensar.
