Climántica celebra mañá o seu día máis grande, o congreso de fin de curso CLMNTK dos grandes protagonistas deste proxecto: os estudantes.
Neste congreso preséntanse os traballos dos 581 estudantes de Primaria, Secundaria, Bacharelato, Ciclos formativos e Universidade. Os traballos presentados foron elaborados ao longo do curso co obxectivo de sensibilizar a toda a poboación. Todos eles quedan editados no nº 2 da revista CLMNTK que se pode descargar en pdfs organizados por centros educativos no subapartado Revista do apartado Biblioteca. Os traballos multimedia poden visualizarse desde o subapartado Alumnos do mesmo apartado Biblioteca.
As actividades desenvoltas en plenario quedan recollidas neste programa e as rutas de autobuses organízanse de acordo a estes 13 itinerarios.
Os 30 estudantes de Primaria e ESO premiados desenvolverán este itinerario formativo viaxando a vela nunha goleta polas rías de Arousa e Vigo entre os días 25 e 29 de xuño. Os premiados de Bacharelato, Ciclos formativos e Universidade desenvolverán o seu campamento formativo en Allariz entre o 7 e o 11 de setembro e o seu programa publicarase nesta web.
A Consellería de Medio Ambiente, Territorio e Infraesturas quere destacar a elevada calidade dos traballos, felicitar aos estudantes pola excelencia e dedicación mostrada nestes traballos e recoñecer aos docentes e as familias o seu apoio, orientacións e motivacións, condicións todas elas necesarias para esta producción intelectual e a súa presentación no II Congreso CLMNTK.
Autorización para alumnos de ESO
Autorización para alumnos de Bacharelato
Enviado por Sara 23 06 2009 as 11:29