O acto tivo lugar no hotel Porta do Camiño de Santiago, onde tras unha sesión formativa para docentes e un coloquio, o director do proxecto, Francisco Sóñora, presentou o material multidisciplinar, que consta del libro “Climaeucambio” e a súa guía didáctica para profesores. O director de MeteoGalicia, Vicente Pérez situou a proposta de Meteo Escolas en relación á iniciativa ClimánticaMeteo e o responsable da área Clima de MeteoGalicia, Santiago Salsón explicou a navegación web de Meteo Escolas. O marco completo da competencia dixital presentouno a coordinadora desta materia no Equipo Climántica, Susana Vázquez.
O evento finalizou coa presentación oficial do libro na que estiveron presentes a Conselleira de Educación e Ordenación Universitaria, Laura Sánchez Piñón, o Conselleiro de Medio Ambiente e Desenvolvemento Sostible, Manuel Vázquez, o Director Xeral de Desenvolvemento Sostible, Emilio Fernández Suárez e a Directora Xeral de Ordenación e Innovación Educativa, María José Pérez Mariño.
Durante a súa exposición, la Conselleira de Educación e Ordenación Universitaria destacou que o presentado é un material didáctico de primeira calidade, que reúne libros, recursos audiovisuais e no que os novos medios xogan un papel primordial: “En resumen, trátase dunha educación moderna e de calidade, onde profesores de distintas áreas son capaces de adaptarse a un mesmo fío condutor”. Tamén declarou que a ciencia debe estar presente no debate social e político, ao mesmo tempo que situou a iniciativa Climántica como “un bo exemplo do que se pode facer”.
O Conselleiro de Medio Ambiente e Desenvolvemento Sostible, Manuel Vázquez, pola súa parte, lembrou, por un lado, a importancia de la educación e, por outro, a acción da Xunta en relación cos programas de formación e sensibilización, que actúan como dous eixes fundamentais del Plan Galego de Acción fronte ao Cambio Climático.
