Duración: 10 horas presenciais.
Datas: Venres 13 pola tarde e sábado 14 pola mañá.

O segundo curso Climántica de formación do profesorado celebrarase no hotel Porta do Camiño, en Santiago de Compostela, sito na rúa  Miguel Ferro Caaveiro, s/n, coa seguinte axenda:


Venres 13 de marzo

16:30 - 17:00  Recepción e entrega de documentación.

17:00 - 17:30  Presentación da unidade 2 de Climántica Se queimamos, quentamos. Francisco Sóñora Luna, director de Climántica.

17:30 - 18:30  Conferencia coloquio Historia das fontes enerxéticas de Galicia. Francisco Díaz-Fierros, catedrático de Edafoloxía da USC e Vicepresidente do Consello da Cultura Galega.

18:45 - 19:45 Conferencia Fluxos de enerxía nos ecosistemas e cambio climático. Ricardo Anadón, catedrático de Ecoloxía da Universidade de Oviedo.

19:45 - 20:45 Conferencia Carbón e petróleo: limitacións e riscos xeolóxicos. Francisco Anguita, profesor de Xeoloxía da Universidade Complutense de Madrid.

20:45 - 21:55 Mesa redonda Unha visión comparativa sobre as posibilidades da Educación Enerxética nos sistemas educativos do século XXI.

     - Mª Arminda Pedrosa, profesora de Química da Universidade de Coimbra.
     - Juan Fundora, catedrático de Educación Enerxética da Universidade da Habana.
     - José Mendoza, coordinador do grupo de Educación Enerxética do ICE da USC.


Sábado 14 de marzo

9:00 - 10:00 Conferencia Axentes e víctimas do cambio climático e da crise enerxética: unha visión ética desde o dereito laboral. Asunción Alarranz,profesora de Dereito Laboral da Universidade de A Coruña.

10:00 - 11:00 Conferencia Da enerxía primaria á final: o futuro do hidróxeno. Bernardo Parajó, profesor de Enxeñería Industrial e director da Axencia Enerxética de Vigo.

11:00 - 12:00 Conferencia Plano enerxético de Galicia: posibilidades didácticas e divulgativas. Representante do INEGA.

12:15 - 13:15 Conferencia Evolución da situación enerxética de España no marco do cambio climático: pasado, presente e escenarios futuros. Ignacio L. Hierro, profesor da Universidade de Comillas de Madrid.

13:15 - 14:25 Obradoiro Reforestar para compensar a pegada de C do centro educativo. Jacobo Feijó, Secretario Xeral de Desenvolvemento Rural de Unións Agrarias.


Para máis información pódese consultar e descargar o tríptico.

Para inscribirse en www.edu.xunta.es/fprof hai que seleccionar en Área: Temas transversais e en CFR: Servizos centrais.

• Comentar

Hoxe tivo lugar no Museo Pedagóxico de Galicia a presentación oficial da entrada do proxecto de educación ambiental Climántica en Educación Primaria. A xornada comezou cunha primeira sesión formativa dirixida a docentes, na cal explicouse, e detallado a profesores deste nivel de ensino, as características do proxecto e os seus obxectivos.

Nesta presentación participaron Agustín Agra, profesor de Bioloxía e Xeoloxía e autor da novela A Treboada de C; Luz Castro, coordinadora do grupo de traballo de elaboración do videoxogo CLMTK; Susana Vázquez, coordinadora do grupo TIC de Climántica, e Francisco Sóñora, director do proxecto Climántica. O obxectivo principal desta primeira sesión foi presentar o proxecto por primeira vez a estes mestres, a metodoloxía interdisciplinar que utiliza, así como os materiais e recursos específicos para Primaria, como a novela A Treboada de C, dentro da serie Contos Climánticos, o videoxogo de simulación e estratexia CLMNTK ou os cómics Palmira e Marcial, Odisea Medioambiental.

A segunda parte da xornada contou coa participación da Conselleira de Educación e Ordenación Universitaria, Laura Sánchez Piñón; o Conselleiro de Medio Ambiente e Desenvolvemento Sostible, Manuel Vázquez; a Directora Xeral de Ordenación Universitaria, María José Pérez Mariño, e o Director Xeral de Desenvolvemento Sostible, Emilio Fernández Suárez.

Durante a súa exposición, a Conselleira de Educación mostrou o seu apoio e respaldo ao proxecto Climántica así como a súa satisfacción por colaborar nun proxecto así coa Consellería de Medio Ambiente, recordando ao mesmo tempo a necesidade existente de estruturar a educación ambiental: Climántica é un modelo a seguir pola súa innovación metodolóxica. O reto actual é a súa introdución en Educación Primaria, pero estou convencida de que vai ter, como mínimo, o mesmo éxito que conseguiu en Secundaria.

O Conselleiro de Medio Ambiente, Manuel Vázquez, pola súa banda, mostrou o seu agradecemento á Conselleira pola súa colaboración no proxecto e sentiuse orgulloso de sentar as bases do futuro na loita contra o cambio climático a través deste ambicioso proxecto.

• Comentar

O
curso está deseñado para que poida servir de especialización ao
profesorado na xestión académica de edublogs e eduforos que lle permita
desenvolver a competencia dixital dos estudantes de Proxecto
interdisciplinar na liña da proposta “Climaeucambio” co fío condutor do
clima e do cambio climático. Os créditos presenciais adicaranse á
formación para xestionar e dinamizar edublogs e eduforos
e a obradoiros nos que se traballen actividades prácticas (de
meteoroloxía, climatoloxía e cambio climático) que estimulen a
argumentación dos estudantes dentro destas propostas TIC para o
desenvolvemento da competencia dixital.

Este
curso universitario de posgrao consta de 60 horas (6 créditos) das
cales 18 son presenciais e as restantes compútanse pola investigación –
acción derivada das tarefas necesarias para a incorporación de
actividades nos blogues de aula relativas aos obradoiros desenvoltos
nos módulos presenciais e da retroalimentación da argumentación dos
estudantes. O curso estructúrase en 5 módulos presenciais que se
desenvolverán na Facultade de Físicas no campus Sur da USC os mércores
de novembro e primeiro mércores de decembro de 18 a 21 horas, e que
foron reestructurados en base a avaliación da primeira edición. Estes 5 módulos son:

1. Obradoiros de blogues I: primeiras
   accións para crear un blogue. Mércores 5 de novembro Poñentes: Jesús M.
   Teira Rois e Susana Vázquez, licenciados en CC. Químicas e profesores
   de ensino secundario, docentes do grupo TIC do equipo Climántica.
2. Obradoiros
   de blogues II e ferramentas TIC I. Mércores 12 de novembro. Poñentes:
   Jesús M. Teira Rois e Susana Vázquez, licenciados en CC. Químicas e
   profesores de ensino secundario, docentes do grupo TIC do equipo
   Climántica.
3. Ferramentas TIC II
   e moderación e xestión de blogues e foros. Mércores 19 de novembro.
   Poñentes: Jesús M. Teira Rois e Susana Vázquez, licenciados en CC.
   Químicas e profesores de ensino secundario do grupo TIC do equipo
   Climántica e José Fernández Maneiro, licenciado en Xeografía e Historia
   e profesor de ensino secundario do equipo Climántica.
4. Obradoiros de meteoroloxía escolar.
   Mércores 26 de novembro. Poñentes: Ana Lage e Santiago Salson. Doutores
   en Físicas, enxeñeiros técnicos informáticos e técnicos de MeteoGalicia.
5. Actividades prácticas sobre cambio climático.
   Mércores 3 de decembro. Poñentes: Mercedes Rodríguez Ruibal e Raquel
   Troitiño Barros. Licenciadas en Bioloxía e profesoras de ensino
   secundario do grupo ciencia - tecnoloxía do equipo Climántica.

1. Que sexan docentes que impartan a materia Proxecto interdisciplinar (PI).
2. Que sexan docentes de centros educativos que non imparten PI.
3. Que
   sexan licenciados ou mestres que non exercen a docencia en centros
   educativos. Neste caso requírese que a solicitude se acompañe dunha
   proposta práctica para desenvolver a parte práctica no blogue temático
   que se lle asigne.

• Comentar

• Comentar

Climántica na materia das Ciencias para o Mundo Contemporaneo desde a sostibilidade e as TIC

1. Sostibilidade
   e cambio climático nos blogues e foros de Climántica para as Ciencias
   do Mundo Contemporáneo (CCMC). Sábados 4, 11, 18 e 25 de outubro.
   Poñentes: Jesús M. Teira Rois e Susana Vázquez, licenciados en CC.
   Químicas e profesores de ensino secundario, docentes do grupo TIC do equipo Climántica.
2. Materiais
   e sostibilidade: do cosmos á nanotecnoloxía. Sábado 8 de novembro.
   Poñente: Ramón Cid, profesor de ensino secundario licenciado en CC.
   Físicas e en CC. Químicas.
3. Do Big Bang ao
   problema ecolóxico: aproximación do cosmos á problemática ambiental.
   Sábado 15 de novembro. Poñente: Francisco Anguita. Doutor en Xeoloxía e
   Profesor Titular da Universidade Complutense de Madrid.
4. Os compromisos para a sostibilidade derivados dos riscos naturais e da sobreexplotación de recursos. Sábado 29 de novembro. Poñente:
   Emilio Pedrinaci. Doutor en Xeoloxía e Profesor asociado de CC.
   Experimentais da Universidade de Sevilla e profesor de ensino
   secundario.
5. Como pode influir a xenómica no mundo contemporáneo. Sábado 13 de decembro. Poñente: Ángel Carracedo. Catedrático de Medicina Legal da USC e director do Instituto de Medicina Legal de Santiago de Compostela.
   

1. Que sexan docentes que impartan a materia CCMC no curso 2008-2009.
2. Que
   sexan docentes dos departamentos didácticos de Bioloxía e Xeoloxía e
   Física e Química e que no curso 2008-2009 non impartan a materia CCMC.
3. Que sexan titulados en CC. Biolóxicas, CC. Xeolóxicas, CC. Químicas e CC. Físicas ou asimilables a efectos de docencia.

• Comentar

O acto tivo lugar no hotel Porta do Camiño de Santiago, onde tras unha sesión formativa para docentes e un coloquio, o director do proxecto, Francisco Sóñora, presentou o material multidisciplinar, que consta del libro “Climaeucambio” e a súa guía didáctica para profesores. O director de MeteoGalicia, Vicente Pérez situou a proposta de Meteo Escolas en relación á iniciativa ClimánticaMeteo e o responsable da área Clima de MeteoGalicia, Santiago Salsón explicou a navegación web de Meteo Escolas. O marco completo da competencia dixital presentouno a coordinadora desta materia no Equipo Climántica, Susana Vázquez.

O evento finalizou coa presentación oficial do libro na que estiveron presentes a Conselleira de Educación e Ordenación Universitaria, Laura Sánchez Piñón, o Conselleiro de Medio Ambiente e Desenvolvemento Sostible, Manuel Vázquez, o Director Xeral de Desenvolvemento Sostible, Emilio Fernández Suárez e a Directora Xeral de Ordenación e Innovación Educativa, María José Pérez Mariño.

• Comentar

O día 14 de setembro comunicouse o proxecto Climántica no auditorio do Conservatorio de Santiago de Compostela dentro das Xornadas de Ciencia Ensino que se organizaron co motivo do Ano da Ciencia. A esta comunicación asistiron un número de docentes superior aos 200.

• Comentar

Pode consultar o contido desta presentación nesta ligazón.

• Comentar

72 profesores ampliaron coñecementos sobre cambio climático:

A tarde do venres 9 de marzo estivo dedicada a aspectos educativos relacionados co cambio climático. Abriu o curso Francisco Sóñora Luna, director do proxecto, quen informou aos asistentes sobre os diferentes aspectos do proxecto Climántica. Os aspectos relativos á sensibilización e participación para facer fronte ao cambio climático abordounos Francisco Heras, responsable de Educación do Centro Nacional de Educación Ambiental do Ministerio de Medio Ambiente. As posibilidades da prensa como recurso expúxoas Mª Pilar Jiménez Aleixandre, catedrática de Didáctica das Ciencias da USC.

Na mañá do sábado 10 de marzo abordáronse os aspectos científicos que ampliaron os conceptos básicos que forman parte da primeira unidade didáctica do proxecto. Os conceptos relativos aos ecosistemas terrestres presentounos Francisco Díaz - Fierros Viqueira, catedrático de Edafoloxía e Química agrícola da USC e asesor científico do proxecto. Os conceptos relativos ao medio mariño tratounos Xosé Antonio Álvarez Salgado, investigador científicos do Centro Superior de Investigacións Científicas no Instituto de Investigacións Mariñas de Vigo. Antes da comida do curso, o Director Xeral de Desenvolvemento Sostible, Emilio Fernández Suárez, situou o proxecto Climántica dentro do Plan da Consellería de Medio Ambiente e Desenvolvemento Sostible para facer fronte ao cambio climático.

A sesión da tarde do sábado dedicouse a presentar un exemplo de unidade multimedia e a valorar aspectos didácticos relacionados coa primeira unidade

Máis fotos do curso.

• Comentar

• Comentarios: 2