Climántica estivo presente na Semana da ciencia do IES Torrente Ballester. Os stands de Climántica estiveron dirixidos por estudantes de 4º de ESO formados pola técnica de educación ambiental responsable de dinamización do equipo Climántica, Sabela García. Eses estudantes explicáronlle á Comunidade Educativa, desde os seus stands e mediante experiencias sinxelas as causas e consecuencias do cambio climático. A conferencia de clausura, titulada “Cambia o clima? Climántica responde”, foi impartida polo director do proxecto Climántica, Francisco Sóñora.
Actualización: Xa se pode ver en Climántica TV o documental das actividades e o da conferencia de clausura.
