centrosAlumnos

IES Campo de San Alberto. Noia (A Coruña) - Hugo García Crende

2007-12-03T00:00:00+01:00

Mi opinión sobre el Cambio Climático

IES Campo de San Alberto. Noia (A Coruña) - Beatriz García Eiras

2007-11-30T00:00:00+01:00

IES Praia Barraña. Boiro (A Coruña) - Victor Bolla Beltrán

2007-11-30T00:00:00+01:00

IES Rosalía de Castro. Santiago de Compostela (A Coruña)

2007-11-30T00:00:00+01:00

Silvia Viña López 2ºD ESO

Alba Salgado Roo 2ºD ESO

Paticia del Río Canedo 2ºD ESO

Telma Lago Fuentes 2ºA ESO

Ana Janet Pérez Vallejo 2ºB ESO

Fernando Mayer Rial 2ºD ESO

Ignacio Mártinez Méndez 2ºD ESO

David Montero Fernández 2ºD ESO

IES Nº1. Ribeira (A Coruña) - Baltasar Valentín Pontes

2007-09-07T00:00:00+02:00

IES Espiñeira. Boiro (A Coruña) - Fátima Fontán Vázquez e Ana María Duro Maneiro

2007-06-25T00:00:00+02:00

Entrevista.

IES Salvador de Madariaga. A Coruña (A Coruña) - E. M. V. (4º A ESO)

2007-06-13T00:00:00+02:00

Unha das principais causas do aumento das temperaturas está relacionada coa emisión de CO2 debido á combustión dos combustibles fósiles. Isto provoca cambios no clima que trae como consecuencia un aumento do risco de incendios forestais. Ademais o cambio climático provoca alteracións do sistema atmosférico e o ciclo da auga o que pode afectar ás especies animais e vexetais. A intensidade do quentamento global durante o século XX non tivo precedentes na historia da Terra. O aumento do efecto invernadoiro, debido á emisión de CO2 e outros gases pola actividade humana, provoca un incremento das temperaturas globais e isto fai que os xeos dos polos se derritan. Se comparamos o que ocorre con outros planetas, vemos que Venus sería un invernadoiro perfecto pois a temperatura e similar tanto de noite como de día.

IES Salvador de Madariaga. A Coruña (A Coruña) - I. R. M. (4º A ESO)

2007-06-13T00:00:00+02:00

O cambio climático que estamos notando estase a producir dunha maneira moi rápida e o principal causante son as emisións de CO2 que proveñen da combustión dos combustibles fósiles. Á vez que o clima cambia, prodúcense tamén cambios no ciclo da auga, e así as especies se verán tamén afectadas. O cambio climático é tamén a causa de moitos incendios que producen unha alteración forte na agricultura e na gandeiría. Temos que ter claro que non é o mesmo tempo que clima. Coa palabra clima nos referimos ao estado do tempo atmosferico dunha rexión durante un periodo máis ou menos amplo. A Xeoloxía é unha ciencia imprescindible no estudio do cambio climático, xa que os fósiles amósannos moitos datos de cómo era o clima hai millóns de anos. O quentamento global acelerado está derretendo o xeo dos glaciares. O aumento do CO2 pola actividade humana provoca o aumento da temperatura do planeta e a partir da Revolución Industrial notouse un claro crecemento nas emisións deste gas. A maior parte do C que chega aos océanos retírase do ciclo porque se incorpora ás rochas, ou nas cunchas dos organismos. O cambio climático altera o ciclo biolóxico e ao facer que aumente a temperatura do mar provoca o branqueamento dos corais. Por outro lado, Groenlandia está perdendo moita superficie e tende a desaparecer totalmente o xeo que a cubre.

IES Salvador de Madariaga. A Coruña (A Coruña) - C. S. N. (4º A ESO)

2007-06-13T00:00:00+02:00

O problema é que o cambio climático é moi rápido. O uso de combustibles fósiles provoca un incremento das emisións de CO2 cara á atmosfera facendo que aumente o efecto invernadoiro. O cambio climático ten repercusión no ciclo da auga e tamén alterará os ciclos biolóxicos das especies. Ao solo tamén lle afecta o cambio climático xa que influe nos incendios forestais e tamén nos cultivos das terras. A Xeoloxía é importante para poder enternder os cambios do clima que ocurriron no pasado. Así os científicos estudan os xeos da Antártida na búsqueda de indicios de cambios climáticos no pasado. O quentamento global acelerado provoca o derretimento dos xeos dos glaciares. O aumento do CO2 na atmosfera que está relacionado coa maior demanda e consumo de enerxía, provoca o incremento das temperaturas globais do planeta. O carbono emitido incorpórase á atmosfera e aos océanos. Os bosques tamén poden reequilibrar o ciclo do carbono.

IES Salvador de Madariaga. A Coruña (A Coruña) - M. I. M. (4º A ESO)

2007-06-13T00:00:00+02:00

A emisión de CO2 á atmosfera pola queima de combustibles fósiles é o principal causante do cambio climático. O ciclo da auga altérase cos cambios que sofre a atmosfera ademais dos procesos biolóxicos como os cambios nas rutas migratorias das aves, etc. O desfase da temperatura no verán en Valencia e Madrid, comparado con A Coruña é moi grande. Os fósiles son moi importantes para facer estudios do paleoclima. Outro efecto debido ao quentamento global é o desxeo dos glaciares e o conseguinte aumento do nivel do mar. O aumento de CO2 incrementa a retención de calor na atmosfera. O carbono almacénase nos océanos e na terra, ademais os bosques son os encargados de equilibrar o ciclo do carbono.

IES Salvador de Madariaga. A Coruña (A Coruña) - L. R. L. (4º A ESO)

2007-06-13T00:00:00+02:00

Nestes momentos estamos a evidenciar un cambio climático que se está a producir dunha maneira rápida. O principal causante son as emisións de CO2 que emitimos cara á atmosfera cando queimamos os combustibles fósiles como o carbón e o petróleo. O cambio climático afecta tanto ao ciclo da auga como aos procesos biolóxicos, por exemplo variando as rutas migratorias de moitas aves. A tendencia actual do clima é cara un quentamento global da Terra. Deste xeito provoca o derretemento dos xeos acumulados nos glaciares. Unha das causas do problema é que a poboación humana está experimentando un crecemento moi alto e polo tanto tamén medran as súas demandas de enerxía. O carbono almacénase nos océanos e na terra e os bosques xogan un papel moi importante no equilibrio do ciclo do carbono.

IES Salvador de Madariaga. A Coruña (A Coruña) - P. C. R. (4º B ESO)

2007-06-13T00:00:00+02:00

O día 8 de xunio de 2007 tivemos unha conferencia no salón de actos onde nos faralon acerca do cambio climático. Presentouse unha gráfica onde se resumían os datos da temperatura de A Coruña dos últimos 30 anos e onde poidemos ver como se incrementaba ata hoxe en día. Hai un problema: o clima cambia moi rápido. Tamén nos explicaron que o proxecto Climántica conta con 8 unidades didácticas e unha serie de banda deseñada. Mediante a súa páxina web informa e permite opinar nun blog aberto á toda a cidadanía, tamén se pode aprender mediante diferentes leccións de cursos multimedia onde podemos evaluar as nosas respostas. A web conta tamén con un apartado denominado ClimánticaTV onde se poden ver videos e un espazo para centros piloto. Todo o da páxina web se pode descargar.

IES Salvador de Madariaga. A Coruña (A Coruña) - I. P. V. (4º B ESO)

2007-06-13T00:00:00+02:00

O clima cambia dunha maneira moi rápida. O aumento da temperatura media global da Terra provoca alteracións do ciclo da auga. Tamén modifica as rutas migratorias das aves, afecta a distintas especies…O solo tamén está moi afectado. É importante valorar a información que nos aportan os fósiles sobre o clima do pasado (paleoclimatoloxía). As capas de xeo ricas en 18O formáronse en épocas quentes. Os cambios no clima tamén están relacionados con cambios producidos na excentricidade da órbita terrestre. É imprescindible destacar que debido á temperatura, desapareceron moitos glaciares. A vida sen CO2 non existiría, pero o aumento de CO2 na atmosfera fai que aumente a calor. O home é a única especie capaz de alterar o medio que o rodea no transcurso do seu periodo vital. O aumento do efecto invernadoiro e por tanto da temperatura podería conlevar que o noso planeta se asemellase a Venus que ten unha temperatura moi regulada pero que alcanza os 464 ºC. Os xeos de Groenlandia, no verán do 2040, non existirán. Outro efecto da concentración de CO2 e que acidifica os océanos.

IES Salvador de Madariaga. A Coruña (A Coruña) - S. E. G. (4º B ESO)

2007-06-13T00:00:00+02:00

As temperaturas aumentaron moito xa que se incrementou a concentración de CO2 na atmosfera o que fai que a retención de calor da mesma sexa maior. O quentamento global fai que os xeos dos glaciares se derreta e polo tanto estes desaparezan. A poboación humana aumenta rápidamente e esto fai que cada vez se gaste máis enerxía. As secas provocarán máis erosión dos solos e tamén favorecerán a que os incendios forestais sexan máis frecuentes. O cambio climático tamén ten efectos no mar, xa que se constata que a temperatura da auga subiu 0.8 ºC nos últimos 20 anos. No verán de 2040 os xeos de Groenlandia non existirán. O desxeo provocará o aumento do nivel do mar en 50 cm.

IES Salvador de Madariaga. A Coruña (A Coruña) - Y. V. S. (4º B ESO)

2007-06-13T00:00:00+02:00

O problema non é que o clima cambie en si, xa que esto vai coa natureza da Terra. O malo é que o cambio climático é moi rápido. É posible que estemos inmiscuidos nunha gran crise. O uso de combustibles fósiles é o punto de partida do problema, que dende a Revolución Industrial cada vez agudízase máis. Os cambios no clima teñen a súa repercusión no ciclo da auga. Pode haber fenómenos meteorolóxicos extremos, desaparecer fontes, ríos, etc. Cambian tamén os hábitats e as especies se ven ameazadas. Se cambia o clima a paisaxe tamén pode cambiar aparecendo zonas desérticas. No medio urbano a compoñente climática influe na disposición das cidades. Haberá movementos migratorios, e polo tanto as cidades deberán adaptarse aos cambios. Debemos saber diferenciar tempo e clima, non é o mesmo. O clima é o estado da atmosfera durante moito tempo; o tempo son as manifestacións meteorolóxicas nun momento dado. Os xeólogos son os científicos capaces de dar respostas a cambios climáticos que ocorreron no pasado, xa que a través dos fósiles poden averiguarse moitas cousas sobre o clima e as condicións climáticas hai moitos anos. Os cambios normais do clima están asociados a variacións na inclinación do eixe da Terra ou na órbita da mesma, pero son cambios que se levan a cabo en periodos moi longos, de moitos miles de anos. Os periodos cálidos entre as glaciacións se denominan interglaciares. En Galicia a temperatura subiu cerca de 1.5 ºC nos últimos 30 anos, o que nos indica que estamos nunha zona moi sensible ao cambio climático. No mundo están desaparecendo moitísimos glaciares, esto ocorre en moi poucos anos, polo que debemos estar moi alerta. Hai que comentar que o efecto invernadoiro é algo natural do planeta xa que sin el a Terra estaría moi fría, pero si aumentamos este efecto podemos poñer en perigo esta estabilidade. Unha frase moi interesante é “o home é a única especie capaz de alterar o seu entorno”. Isto é así porque debido ás nosas emisións contaminantes estamos a destruir a atmosfera. Por tanto, preocupémonos un pouco máis polo noso planeta e incluso pola nosa vida, porque tamén se verá afectada. O cambio climático afecta a todo e a todos.

IES Salvador de Madariaga. A Coruña (A Coruña) - M. C. F. (4º B ESO)

2007-06-13T00:00:00+02:00

O clima cambia moi rápido. A nai do problema é o uso dos combustibles fósiles. Os residuos tamén teñen protagonismo nos cambios do clima por canto no seu procesado emiten gases contaminantes. O cambio climático provoca alteracións nos ecosistemas, afectando tamén ao ciclo da auga. Distintas especies poden verse afectadas tamén con cambios nas rutas migratorias. Tamén se modifica o solo o que conleva cambios de cultivos, aumento do risco de incendios…etc. Houbo crisis ambientais que destruiron civilizacións. Na web de Climántica existen cursos para estudiar o efecto invernadoiro así como visualizar vídeos sobre cambio climático. Ademáis se poden consultar centos de noticias. A Xeoloxía aporta datos de cómo era o clima en épocas pasadas. O fai estudando os fósiles, as rochas etc. Tamén por medio do estudio do xeo extraido de perforacións na Antártida ou en Groenlandia. En Galicia a temperatura subiu uns 1.5 ºC en 30 anos. Na actualidade están desaparecendo glaciares en diversas partes do mundo. O efecto invernadoiro é beneficioso para a vida pero o seu incremento pode resultar perxudicial. As persoas somos os culpables do cambio climático. O incremento das emisións de CO2 son debidas a que cada vez consumimos máis enerxía. O carbono almacénase na atmosfera e nos océanos ainda que neste último o exceso do mesmo pode provocar a acidificación da auga. Ademáis o cambio climático provoca cambios no mar como o aumento da temperatura o que fai que desaparezan os corais. No 2040 os xeos de Groenlandia van a desaparecer.

IES Salvador de Madariaga. A Coruña (A Coruña) - Z. P. R. (4º C ESO)

2007-06-13T00:00:00+02:00

As temperaturas en Galicia aumentaron en 1.5 ºC nos últimos 30 anos. Estamos pasando unha gran crisis ambiental. O ciclo da auga pode verse alterado polas variacións do clima o mesmo que as especies, a paisaxe…No medio rural o cambio climático pode afectar á frecuencia dos incendios forestais. As cidades tamén se verán afectadas polo cambio climático. Mediante o estudio de fósiles os científicos poden caracterizar os climas do pasado. Ademais existen evidencias históricas de cambios climáticos como poden ser os gravados que amosan o rio Támesis xeado, algo que actualmente non ocorre. O home é a única especie que pode alterar o seu entorno en pouco tempo. O crecemento da poboación mundial é desmesurada e cada vez aumenta máis o consumo de enerxía, o que afecta moito ao clima polas emisións de gases de efecto invernadoiro. O 50 % do carbono queda na atmosfera. Entre os efectos do cambio climático están: impactos nos ecosistemas onde moitas especies se ven ameazadas coa extinción, aumento da temperatura dos océanos, subida do nivel do mar en 50 metros, perda de moitas especies mariñas e desxeo dos glaciares. No 2040 non existirá xeo no verán en Groenlandia.

IES Pintor Colmeiro. Silleda (Pontevedra) - L. M. P. (4º B ESO)

2007-06-13T00:00:00+02:00

O cambio climático é un problema medioambiental que nos debería preocupar a todos. Aforrando enerxía poderiamos mellorar o cambio polo cal estamos pasando. Os galegos estamos concienciados da loita contra o cambio climático e podemos desenvolver accións encamiñadas a mitigar o efecto do cambio climático na nosa comunidade. O derretimento da capa de xeo produce o aumento do nivel do mar, e deste xeito, a xente que vive preto da costa, terá que trasladarse ao centro. O CO2 que enviamos á atmosfera produce que esta reteña a calor, e así se incremente o quentamento global que nos conduce a un cambio climático.

IES Pintor Colmeiro. Silleda (Pontevedra) - M. S. B. (4º B ESO)

2007-06-13T00:00:00+02:00

As temperaturas globais do noso planeta están sufrindo un importante cambio, que está sendo producido pola humanidade. Sobre todo polos países máis avanzados, ainda que os que máis sufrirán este cambio serán os máis pobres. Isto débese á forte dependencia do uso dos combustibles fósiles para producir enerxía como o carbón e o petróleo. Isto está axudando a aumentar o efecto invernadoiro co conseguinte incremento das temperaturas en un periodo de tempo moi curto polo que o cambio é rápido e orixinará grandes problemas ambientais no futuro como o aumento do nivel do mar (desaparecerán algunhas illas), a desaparición de especies, etc.

IES Pintor Colmeiro. Silleda (Pontevedra) - P. L. F. (4º A ESO)

2007-06-13T00:00:00+02:00

Na charla falouse das causas do cambio climático, como o aumento do CO2 na atmosfera. Amosáronnos mediante gráficas cales son os países con maiores emisións de CO2 (EEUU, Unión Europea…) e tamén como se relaciona o aumento da temperatura coa presencia destes gases de efecto invernadoiro na atmosfera. Explicáronnos gráficamente como o incremento da temperatura fai que se desprendan bloques de xeo que viaxan polo océano como icebergs ata que se derreten incrementando o contido de auga doce no mar. Isto provoca que o nivel da auga aumente e pode chegar a anegar pobos, cidades… Despois desta charla quédanos claro que debemos emitir menos CO2 á atmósfera.

IES Pintor Colmeiro. Silleda (Pontevedra) - Andrea (4º A ESO)

2007-06-13T00:00:00+02:00

O cambio climático é un problema moi importante que afecta tanto aos ecosistemas terrestres coma aos mariños. A concentración de CO2 na atmosfera é a máis elevada dos últimos 650.000 anos. O cambio nos niveles de CO2 na atmosfera é algo normal, sen embargo o quentamento global que se está a evidenciar é moi probable que sexa causado polas emisións de CO2 debidas á acción humana. Durante uns 7000 anos a poboación aumentou moi lentamente, pero despois da Revolución Industrial este crecemento disparouse. Existen certos países que van a sufrir moi drásticamente os efectos do cambio climático, como Bangladesh, debido a que o aumento do nivel do mar pode asulagar as terras deste país pobre de Asia. Na nosa comunidade constatouse que o consumo de enerxía eléctrica se duplicou no periodo 1990-2004. O Plan Galego de Acción contra o Cambio Climático aborda distintos aspectos: Mitigación, Adaptación. Investigación e Formación e Sensibilización.

IES Pintor Colmeiro. Silleda (Pontevedra) - S. P. V. (4º A ESO)

2007-06-13T00:00:00+02:00

A Terra enfróntase a un problema preocupante como é o cambio climático. A causa principal do mesmo son as emisións de CO2 á atmosfera xunto con outros gases que incrementan o efecto invernadoiro. O incremento nas emisións é debido ao excesivo consumo de enerxía que facemos. As consecuencias do cambio climático xa as estamos empezando a sufrir nestes anos, pero de non cambiar os hábitos de vida das sociedades máis desenvolvidas o problema pode ser moito máis perxudicial. Así temos que o incremento da temperatura global do planeta repercute no desxeo dos polos facendo que aumente o nivel do mar. Plantéxasenos a pregunta de cómo podemos reaccionar. Pois temos que decatarnos de que a responsabilidade é de todos e conseguir como principal obxectivo a redución das emisións de CO2.

IES Pintor Colmeiro. Silleda (Pontevedra) - Y. F. L. (4º A ESO)

2007-06-13T00:00:00+02:00

Existen claras evidencias da existencia de cambios ambientais desde o comezo da revolución industrial. O cambio climático aféctanos de moitos xeitos e debemos facer algo para que isto non siga avanzando. O quentamento é un proceso global. A temperatura media de Galicia sufreu un aumento duns 0.5 ºC por década (1,5 ºC nos últimos 30 anos). O incremento do nivel do mar é notable, aumenta pola fusión dos glaciares. A causa do cambio climático é a alteración dos ciclos da materia no planeta: queimamos combustibles para obter enerxía e emitimos unha enorme cantidade de CO2 á atmosfera. O CO2 provoca o chamado efecto invernadoiro. O quentamento global é provocado principalmente pola acción humana. Cada vez somos máis e consumimos moita máis enerxía polo que de non cambiar, as emisións de CO2 irán en aumento.

IES Pintor Colmeiro. Silleda (Pontevedra) - M. G. Q. (4º A ESO)

2007-06-13T00:00:00+02:00

A principal causa do Cambio Climático está asociada ás emisións de CO2 á atmosfera o que provoca un aumento do efecto invernadoiro. Estas emisións de CO2 aumentaron moito polo consumo de enerxía tras a Revolución Industrial. Como consecuencias do cambio climático na charla falousenos de aumento da temperatura global do planeta co conseguinte proceso de derretimento do xeo dos polos. Isto fará que aumente o nivel do mar dando lugar á desaparición de certas zonas planeta como illas ou costas baixas. O cambio climático terá tamén consecuencias sobre os ciclos biolóxicos e ocasionará unha diminución da esperanza de vida. Por todo elo temos que buscar solucións sensibilizando do problema á toda a poboación como poden ser a utilización racional do transporte, reducir as emisións de CO2 á atmosfera…

IES Pintor Colmeiro. Silleda (Pontevedra) - A. I. R. (4º A ESO)

2007-06-13T00:00:00+02:00

O cambio climático afecta á biodiversidade. Tamén afecta ao clima e polo tanto á agricultura, gandeiría…A temperatura aumentou debido ás emisións de CO2 ; a utilización masiva da enerxía, o uso de fontes de enerxía como o carbón e o petróleo despois da Revolución Industrial. As súas consecuencias son: aumento da temperatura, o desxeo dos casquetes polares que aumentan o nivel do mar, emigración desde as zonas costeiras ameazadas do planeta…Os científicos estudan o cambio climático e dos seus estudos se extrae que existe un aumento da temperatura en todo o planeta afectando tamén ao océano. Na atmosfera atópase unha gran cantidade de CO2 , producido pola combustión de carbón e petróleo principalmente. Entre os países máis contaminantes están os Estados Unidos, Europa, o norte de Asia e Australia; e entre os menos contaminantes os países do chamado Terceiro Mundo. Algúns dos países máis contaminantes buscan solucións pero outros afástanse do problema. Evidencias de cambio climático as temos por exemplo en algúns tipos de aves que adiantan ás súas postas debido a que as temperaturas son propicias para elo. Outro exemplo é o branqueamento dos corais. A desaparición de especies e a inundación de algunhas illas así como a aparición de novas enfermidades son as máis que probables consecuencias do cambio climático.

IES Pintor Colmeiro. Silleda (Pontevedra) - R. P. L. (3º C ESO)

2007-06-13T00:00:00+02:00

Actualmente a pegada ecolóxica mundial é de 2.18 hectáreas/individuo (o equivalente a un campo de fútbol); e isto é unha ameaza para a sostibilidade da UE. As temperaturas das capas inferiores da atmosfera aumentou un 0.74 ºC ao longo do século XX. A temperatura media de Galicia aumentou 0.5 ºC por década nos últimos 30 anos. A subida do nivel do mar nas nosas costas foi de 2-3 mm por ano. O número de veces que se pechan anualmente as barreiras do Támesis é cada vez maior. O nivel do mar aumenta pola fusión dos glaciares; máis ou menos cada mes desaparece unha superficie (similar á superficie de Asturias) de xeo. Emitimos cerca de 3000 millóns de toneladas de CO2 ao ano cara á atmosfera. A concentración de CO2 na atmosfera é a máis elevada dos últimos 650000 anos. O quentamento do planeta é un fenómeno global e existe unha elevada posibilidad que sexa debida á acción humana. Esto pode ser debido ás propias características demográficas da especie humana e a masiva demanda e consumo de enerxía por habitante. Os que menos consumen enerxía son os países pobres,pero son eles aos que lles van afectar en maior medida os problemas derivados do cambio climático. Cada vez somos máis e consumimos máis enerxía. En Galicia nos últimos 15 anos duplicouse o consumo enerxético. As emisións totais de CO2 en Galicia aumentaron un 30 %; as emisións derivadas do transporte na nosa comunidade incrementáronse nun 93 %. O Plan Galego de Acción contra o Cambio Climático consta de Mitigación, Adaptación, Investigación e Formación e Sensibilización.

IES Pintor Colmeiro. Silleda (Pontevedra) - A. D. C. (3º C ESO)

2007-06-13T00:00:00+02:00

Cambia o clima? Si cambia, pero que podemos facer nós para que as consecuencias do cambio non fagan perigar a vida sobre a Terra?. Isto foi o que nos explicaron dende o proxecto Climántica. A charla baseouse na concienciación sobre as evidencias do cambio climático (incremento da temperatura media global, incremento do nivel do mar, diminución da superficie xeada…), sobre as consecuencias e como é e como poderá ser a nosa vida dependendo do que fagamos nós. Cales son as evidencias de que existe xa un cambio climático?. Incremento da temperatura media de 7 ºC en 50 anos, incremento constante do nivel do mar…Cales son as causas? É evidente que, a pesar, de que o cambio dos niveles de CO2 na atmosfera sexa algo normal, non o é a velocidade coa que estes niveis aumentan, pero tamén é importante o tema da superpoboación e a alteración dos ciclos da materia desde a revolución industrial debido ao uso de combustibles fósiles e á deforestación. Chegamos á conclusión de que a causa é humana pero que non todos temos a mesma culpa, posto que as causantes somos os paises desenvolvidos, pero as consecuencias terán lugar maioritariamente nos continentes máis pobres. Tamén nos falaron sobre o noso futuro que podemos facer nós para cambiar o futuro? Cal é a nosa idea sobre o cambio? E finalmente unha cuestión moi importante e fundamental. Somos quen de controlar o cambio climático? O noso deber é responder a esta cuestión. Porque o futuro do mundo está nas nosas mans.

IES Pintor Colmeiro. Silleda (Pontevedra) - S. C. T. (3º B ESO)

2007-06-13T00:00:00+02:00

Nos últimos anos o incremento de CO2 disparouse considerablemente, e en consecuencia, aumentan factores como a temperatura ou nivel do mar. Como consecuencia dese cambio climático, hai moitas persoas que se ven obligadas a abandonar o seu lugar de residencia, pois os paises desenvolvidos usan a enerxía de maneira máis masiva cos países subdesenvolvidos, e as consecuencias mallormente as van a sufrir os países pobres. Detéctase que no futuro dentro duns anos, a poboación seguirá crecendo, e utilizaranse enerxías alternativas de modo que poderíase reducir a emisións de CO2. Sen embargo, no peor dos casos, o incremento do CO2 aumentará ata 4 veces máis ca agora. E neste caso as consecuencias van a ser drásticas. Nestes anos, devátese se somos o suficientemente intelixentes coma para intentar calmar este efecto. En Galicia no 2100 a temperatura no verán aumentará no norte cerca de 2 ºC e no sur de 4. O escenario máis desfavorable indica que as temperaturas no norte aumentarán de 3 a 4 ºC e no sur de 6 a 7 ºC. Temos que ser responsables ante este problema e intentar reducir as emisións de CO2 no planeta. Ante todo temos que ter moi claro que a responsabilidade é de todos, e o problema é para todos. É practicamente imposible solucionar un problema deste tipo se os cidadáns pensan que o problema non existe. Tan só se pode achar unha solución se os cidadáns son capaces de ver a realidade do que sucede. Necesitamos facer algo que pare este complexo problema!!

IES Salvador de Madariaga. A Coruña (A Coruña) - P. R. L. (4º B ESO)

2007-06-13T00:00:00+02:00

O clima cambia dun xeito rápido. Os residuos son un problema ambiental que tamén xogan un papel dentro do sistema climático, xa que no proceso do seu tratamento emítense gases contaminantes. O maior problema para o cambio climático é o uso dos combustibles fósiles. Estes cambios no clima poden provocar alteracións no ciclo da agua. O estudio das temperaturas entre distintas cidades nos indica que hai moita diferenza entre Madrid, Valencia e A Coruña, polo que podemos ter problemas para adaptarnos a climas nos que non estamos habituados a vivir. É importante valorar a relevancia dos fósiles nos estudios do paleoclima. O incremento da temperatura global está provocando a desaparición de moitos glaciares. O aumento do CO2 provoca o aumento das temperaturas, pero sen o efecto do CO2 na atmosfera non habería vida. Os xeos que cubren Groenlandia desaparecerán no verán do 2040.

IES Salvador de Madariaga. A Coruña (A Coruña) - A. P. G. (2º C ESO)

2007-06-13T00:00:00+02:00

O home é a única especie que pode cambiar o seu entorno a nivel global. Isto é unha realidade, o cambio climático o é. Climántica pretende demostrar que o problema é serio. Estamos sufrindo unha crise global debido ao clima. As probas son claras: aumentan as temperaturas, desaparecen os glaciares, as aves vense na obriga de cambiar os seus hábitos migratorios… O clima de por si cambia; pero o preocupante son os grandes cambios sufridos nos últimos 30 anos. O cambio é tan notable que según os estudos realizados, os xeos de Groenlandia desaparecerán no verán do 2040. Os cambios normais do clima están asociados entre outras causas, ao efecto dos cambios na orbita da Terra. Climántica en definitiva o que intenta e concienciarnos e axudarnos a entender o problema do cambio climático polo que pon á nosa disposición unha web con novas e cursos que nos achegan medidas para poder combatir o cambio climático.

IES Pintor Colmeiro. Silleda (Pontevedra) - M. G. F. (3º C ESO)

2007-06-13T00:00:00+02:00

Un dos indicadores do cambio climático é a pegada ecolóxica: a superficie que precisa unha persoa para sobrevivir, que nestes momentos é de 2.8 hectáreas/individuo (algo así como 2 campos de fútbol). A explotación actual do planeta é insostible. Dende a revolución industrial a temperatura aumentou 0.7 ºC producindo así o desxeo dos polos e o aumento do nivel do mar. Isto ocorre debido a que dos 7.5 millóns de toneladas que emitimos, aproximadamente 3.2 quedan na atmosfera. A causa primeira deo quentamento global é o exceso de CO2 que se emite á atmosfera, que aumentou moitísimo desde a Revolución Industrial. Este gas é capaz de reter unha gran cantidade de radiación solar, provocando o aumento da temperatura. As causas últimas disto son a poboación humana, moi elevada con respecto a séculos anteriores, e o masivo consumo de enerxía por habitante. É dicir, é unha causa humana na que os habitantes dos países desenvolvidos somos os máximos responsables. Baseándose nestes datos, os científicos estudan canto pode aumentar a temperatura, a poboación, a emisión de CO2 etc., no futuro. Que podemos facer? Temos duas opcións: -Nada! Deixar que isto siga así sen reducir as emisións de CO2, malgastando enerxía, etc. e que a temperatura aumente ata 7 ºC en 70 anos, e que en non moitos anos moitas partes do planeta sexan inhabitables. -Reaccionar: reducir emisións, aforrar enerxía, etc. e intentar que a temperatura non aumente máis de 2-3 ºC. Para seguir este segundo camiño, o menos negativo, hai que concienciar á sociedade de que o cambio climático é un problema moi grande, e reaccionar!.

IES Pintor Colmeiro. Silleda (Pontevedra) - L. B. C. (3º C ESO)

2007-06-13T00:00:00+02:00

Pertencemos a unha sociedade desenvolvida económicamente e facemos un uso pouco sostible dos recursos que temos, co cal podemos chegar a sufrir problemas relativos á seguridade alimentaria, pobreza, perda de biodiversidade, quentamento global. Existen claras evidencias da existencia de cambios ambientais dende o comezo da Revolución Industrial. Enviamos cerca de 3000 millóns de toneladas de CO2 á atmosfera cada ano, principalmente procedentes da queima de combustibles fósiles. O aumento da concentración de CO2 na atmosfera é o principal causante do quentamento do planeta. O consumo de enerxía eléctrica aumentou en Galicia en gran medida, o que leva asociado un aumento tamén importante das de CO2 á atmosfera. No futuro se seguimos facendo as cousas como ata agora, crecerán moito máis estes problemas, e teren consecuencias catastróficas sobre nós e os nosos descendentes.

IES Salvador de Madariaga. A Coruña (A Coruña) - G. I. P. (2º B ESO)

2007-06-13T00:00:00+02:00

Moitas das especies animais do mundo se ven afectadas polo cambio climático. Pero tamén pode afectar ás cidades debido á súa localización cerca da costa como é o caso da nosa cidade. No ano 2100 se non cambiamos a actitude e deixamos de producir grandes cantidades de gases de efecto invernadoiro moitas das cidades do mundo poden sufrir inundacións debidas ao aumento do nivel do mar. Estos temas podense consultar dende a páxina web do proxecto Climántica onde ademais podemos poñer comentarios. A especie humana é a única que pode alterar o seu entorno no tempo da súa vida. E así vemos como un grande problema do consumo de enerxía é debido á superpoboación do planeta. O maior país emisor de CO2 é EEUU. Os científicos nos din que no 2040 pode non existir xeo en Groenlandia no verán, co cal algúns países xa se están pelexando polas posibles rutas marítimas que se abrirían nestes mares.

IES Salvador de Madariaga. A Coruña (A Coruña) - C. R. N. (2º C ESO)

2007-06-13T00:00:00+02:00

O cambio climático é unha realidade. O clima cambia pero: cales son as causas que producen este cambio?. Todos sabemos que a especie humana é a principal responsable, xa que é a única capaz de producir un cambio semellante. Unha das causas principais son as emisións de CO2 desprendidas do uso dos combustibles fósiles que utilizamos. O clima sempre cambiou pero este cambio notábase en moitos anos, o preocupante é que si observamos as gráficas de evolución das temperaturas, por exemplo, vemos que nos últimos 30 anos o cambio é perfectamente visible. Se isto segue a iste ritmo, no 2040 os xeos que cubren Groenlandia desaparecerán no verán. Por outro lado os cambios normais do clima poden ser debidos a cambios no eixe de inclinación da Terra e máis da súa órbita ao redor do Sol, que cambia en periodos de miles de anos. O estudo dos fósiles permiten obter información destes cambios, como poden ser os aneis de árboles fosilizados que amosan as condicións climatolóxicas nos tempos en que vivían. O obxectivo de proxectos como o de Climántica e tentar concienciar á xente do problema para que entre todos poidamos frear o cambio climático e así mellorar as condicións de tódalas especies así como favorecer a biodiversidade.

IES Agra de Raíces. Cee (A Coruña) - G.L.L. (4º C ESO)

2007-06-05T00:00:00+02:00

Debemos concienciarnos de que se seguimos as así non chegaremos lonxe. As causas, nós; as consecuencias: aumento do efecto invernadoiro, cambios no clima… O aumento do efecto invernadoiro pode chegar a ser funesto, a calor queda retida na atmosfera da Terra facendo que esta se quente e provocando o desxeo dos polos, por exemplo. Unha das causas do cambio climático é a mala xestión da enerxía, entre outras. O aumento do nivel do mar debido ao desxeo pode provocar a inundación de diferentes cidades en todo o mundo.

IES Agra de Raíces. Cee (A Coruña) - D.L.V. (4º C ESO)

2007-06-05T00:00:00+02:00

Creo que esta charla é unha forma de responder a preguntas importantes na nosa vida como: sería mellor a nosa vida se aforráramos enerxía ou recicláramos? ¿que pode chegar a pasar se non facemos nada ante o notable cambio climático? por que se produce o cambio climático que parece afectarnos tanto?... Dende sempre sábese que o clima, definido como conxunto de datos sobre a atmosfera ao longo de moito tempo, distinto de tempo atmosférico (hoxe chove, fai sol…), cambiou, pero nunca o incremento da temperatura global da Terra que producimos nós mesmos coas nosas fábricas, cos nosos gastos de enerxía e sobre todo coa expulsión continua de CO2 á atmosfera, aumentando o chamado efecto invernadoiro. Con isto provocamos cambios notables como o desxeo actual da Antártida, os cambios de tipo biolóxico…

IES Agra de Raíces. Cee (A Coruña) - L.C.A. (4º B ESO)

2007-06-05T00:00:00+02:00

O cambio climático é un problema que realmente está presente. O aumento da concentración de dióxido de carbono é o causante deste problema; por outro lado é quen mantén á Terra cunha temperatura idónea para a vida. É curioso que Venus que está máis lonxe do Sol que Mercurio, sen embargo, ten unha temperatura máis alta debido a que en Venus hai un efecto invernadoiro. Todo o mundo pensa que os bosques recollen todo CO2 que nós soltamos ao aire pero non e certo, xa que os árbores só recollen a maior parte de CO2 cando son novos, isto afecta a todo. O aumento da temperatura fai que se derrita o xeo e isto fai que aumente o nivel do mar chegando a subir ata medio metro. “Todos xuntos podemos eliminar estes problemas, pero todos xuntos non só un só, senón todos”

IES Agra de Raíces. Cee (A Coruña) - Angélica (4º B ESO)

2007-06-05T00:00:00+02:00

Nesta charla unha das cousas das cales se nos fala, é, por exemplo a diferencia entre tempo e clima. Dísenos tamén que a temperatura media da Terra aumentará aproximadamente 4 º C. Este aumento vai a traer grandes consecuencias, que agora mesmos estamos vivindo. A causa deste aumento de temperatura, o xeo da Antártida vaise derretir cada vez máis a presa, e a consecuencia disto, o nivel do mar aumentará. Unha das causas máis importantes do cambio climático é a emisión dos gases de efecto invernadoiro. Un destes gases é o CO2 pero ainda que o seu incremento é un problema para o planeta, sen él a vida non existiría.